მომავლის ტელევიზია და რადიო ქართულ ინტერნეტ სივრცეში

დღესდღეობით ქართულ ინტერნეტ სივრცეში სულ უფრო მჭირდოდ იკიდებს ფეხს ტელევიზიისა და რადიოს ინტერნეტ მაუწყებლობა. ადამიანებსაც უფრო უადვილდებათ ინტერნეტში სასურველი გადაცემისთვის თვალყურის დევნება. თუმცა ინტერნეტის შესაძლებლობები მხოლოდ ამით არ შემოიფარგლა და იგი უკვე გასცდა ტელე-არხების ტრანსლირების ფარგლებს. ვებ-სივრცეში გაჩნდა ტელევიზიები და რადიოები, რომლებიც მხოლოდ ინტერნეტში მაუწყებლობენ და მათ მიერ შეთავაზებული სატელევიზიო პროდუქტის ნახვა მხოლოდ ინტერნეტშია შესაძლებელი. ბევრი ინტერნეტ-ტელევიზია დღეს ერთი კამერითა და მიკროფონით მაუწყებლობს და ძირითადად თვითდაფინანსებაზე არიან, თუმცა მიუხედავად ამისა, მათი შექმნელები განვითარებაზე აქტიურად ზრუნავენ რათა მალე უზრუნველყონ 24-საათიანი მაუწყებლობა პირდაპირ ეთერში.

ქართულ ინტერნეტ სივრცეში ბევრი ინტერნეტ–ტელევიზია არსებობს, როგორებიცაა nettv.ge, რომლის ინტერნეტ საიტი განეკუთვნება ინტერნეტ ტელევიზიას და მიზნად ისახავს მომხმარებელს მიაწოდოს ყველა სახის ინფორმაცია თუ ტელე–გადაცემა მსოფლიოს ნებისმიერ ქვეყნიდან. ვიდე– ფილმები, მუსიკალური კლიპები, აგრეთვე სხვა სახის ვიდეო მასალა, რომელიც მოიპოვება ინტერნეტში, შესაძლებელია გამოქვეყნებულ იქნეს ამ საიტზე. აგრეთვე ამ ინტერნეტ–ტელევიზიისთვის მისაღებია თქვენს მიერ შექმნილი ვიდეო ჩანაწერების გამოქვეყნება წინასწარი შემოწმების შემდეგ.

მომავალში კი დასახულია NETTV მედია ჯგუფის შექმნა, რომელიც დამოუკიდებელ რეპორტაჟებს და ინტერვიუებს გამოაქვეყნებს საიტზე. ასევე არსებობს სხვა ინტერნეტ–ტელევიზიები, მაგალითად: alo.ge, საიდანაც პირდაპირ ეთერში ყურების გარდა შესაძლებელია სხვადასხვა ფილმის, მუსიკისა თუ სურათების გადმოწერა. iptv.ge აქვს არქივი, სადაც შესაძლებელია გასული გადაცემების ყურება. ძალიან საინტერესო უცხოური ინტერნეტ–ტელევიზიები, როგორებიცაა: americanfree.tv, 4major.tv, რომელიც არის მუსიკალური, ასევე internet@tv, რომელიც არის კომპანია samsung ის ოფიციალური საიტი და ბოლოს საქართველოში ყველასათვის ნაცნობი და პოპილარული უცხოური ინტერნეტ საიტი youtube.com. რაც შეეხება ქართულ ინტერნეტ–რადიოს, გაგაცნობთ რამდენიმეს. ესენია: radio.ge, bat.ge, eva.ge. ასევე საინტერესოა უცხოური ინტერნეტ–რადიოებიც, როგორებიცაა: sky.fm, რომელიც არის ძალიან საინტერესო შემეცნებით გასართობი რადიო, ასევე საინტერესოა e.radio, რომელიც არის ბერძნული ინტერნეტ–რადიო და kir.org, იგი არის საბავშვო გასართობი რადიო.

ინტერნეტ-ტელევიზიებისა და ინტერნეტ–რადიოების ბუმის დაწყებას საქართველოში უახლოეს მომავალში ვარაუდობენ, რადგან ხარჯები, რომლებიც დაკავშირებულია სატელევიზიო ეთერის ორგანიზებისთვის, კატასტროფულად დიდია ინტერნეტ-ფორმატში მაუწყებლობის ორგანიზებისთვის საჭირო ხარჯებთან შედარებით. ინტერნეტ-ტელევიზიასა და რადიოს ფუნქციონირებისთვის სჭირდება გაცილებით ნაკლები ტექნიკური და ადამიანური რესურსები. დღეს არსებული ქსელების გამტარუნარიანობა და უახლესი ვიდეო კომპრესიის შესაძლებლობები საშუალებას იძლევა ინტერნეტ-მაუწყებლობა მარტივად და იაფად განხორციელდეს, ხოლო ხარჯები, რომელიც დაკავშირებულია ინტერნეტ ტელევიზიისა და რადიოს ორგანიზებასთან, პირდაპირპროპორციულია იმ რიცხვისა, რომელიც განსაზღვრავს თქვენი ერთდროული მომხმარებლების რაოდენობას. ასე რომ, ამ სფეროების განვითარებას სულ ახლო მომავალში უნდა ველოდოთ.

კულტურული ღონისძიებები 2010 წელთან შესახვედრად

ახალი წელი ახლოვდება და ილუმინაციებით განათებულ თბილისში საახალწლო განწყობა იგრძნობა. საინტერესოა, რა კულტურული ღონისძიებები იგეგმება, სად, როგორ და რა ფასად შეგვიძლია გავატაროთ ახალი წლის საღამო და როგორ შევხვდეთ 2010 წელს.

ახალი 2010 წლის შესახვედრად უამრავი ღონისძიება იგეგმება. 25 და 26 დეკემბერს შარდენზე კონცერტებია დაგეგმილი. 31 დეკემბრის საღამოს კი რუსთაველზე ახალი წლის შესახვედრად გაიმართება გრანდიოზული კონცერტი, რომელშიც მონაწილეობას ქართული შოუბიზნესის წარმომადგენლები მიიღებენ. საახალწლო ბაზრობა და პატარ–პატარა ღონისძიებები თბილისის სხვადასხვა უბნებში 7 იანვრამდე გაგრძელდება. თუმცა მანამდე 22, 23 და 24 დეკემბერს ფილარმონიის დიდ საკონცერტო დარბაზში სერიალ „შუა ქალაქში“–ს მსახიობების მონაწილეობით წარმოდგენილი იქნება იუმორისტული ნომრები დასაწყისი 18:00 სთ–ზე. ასევე იგეგმება ლადო ათანელის საქველმოქმედო კონცერტი ზაქარია ფალიაშვილის სახელობის ოპერისა და ბალეტის სახელმწიფო თეატრში, რომელიც საქველმოქმედო ხასიათს ატარებს. დასაწყისი 19:00 სთ-ზე

სასტუმრო „რედისონი“ ახალ წელს პირველად ხვდება. პირველი ახალი წელი კი განსაკუთრებული და დამახასიათებელი უნდა იყოს „რედისონის“ და მისი ყველა სტუმრისთვის. საახალწლო მიღება აქ 12 სთ–დან დაიწყება. სამ ნაწილიანი საღამოს კულმინაცია ბრაზილიური, ცეცხლოვანი შოუ იქნება. აქ ახალი წლის ღამის გატარება 130 დოლარი ღირს.

ვისაც სურვილი აქვს ახალი წელი კლუბში გაატაროს, არჩევანის გაკეთება მოუწევს. თბილისი ამ მხრივაც მრავალფეროვანია. კლუბი G.U.R.U. საახალწლოდ სამ დღიან ფესტივალს ატარებს. 31 დეკემბერს G.U.R.U.-ში მარკ ივენის საღამოა. პირველ იანვარს კი იმართება after party. იქნება დაჯილდოებებიც. ეს ყველაფერი G.U.R.U.-ს სტუმრებს 100 ლარი დაუჯდებათ.

ვინც არჩევანს ivent house-ზე გააკეთებს ახალ წელს პალოვ სპელარის მუსიკის თანხლებით გაატარებს. პალოვ სპელარი საქართველოს ხუთკაციანი ბენდით მეორედ ეწვევა, 2006 წლის ბლექსი–ჯაზ ფესტივალის შემდეგ. საახალწლო საღამოზე დასასწრები ბილეთები უკვე გაყიდულია.

კრეატიული კომპანია „მოროშკინა“ და პარტნიორები ახალი წლის ღამეს ყველაზე ხალხმრავალ მეჯლისზე გეპატიჟებიან. შოუ აქ 11 სთ–ზე დაიწყება და დილის 8 სთ–მდე გაგრძელდება. ნაჩვენები იქნება ლამაზი შოუ, მოეწყობა მეჯლისი, იქნება ცოცხალი ორკესტრი, დაიდგმევა ბევრი სკეტჩი და რაც მთავარია იქნება პრიზებიც.

რაც შეეხება კინოთეატრებს გაგაცნობთ საახალლო აფიშას: კინოთეატრი რუსთველი გთავაზობთ შემდეგ კინოებს: „გაღმა ნაპირი“, „ყველაფერი კარგად იქნება“, „ამანათი“, „პლანეტა 51“ და „2012“. კონოთეატრ ამირანში საახალწლოდ შეგეძლებათ იხილოთ „ახალი მთვარე“ და „2012“ ხოლო კინო საქართველოში კი საახალწლოდ იქნება „ჭიანჭველების რისხვა“, „ყველაფერი კარგად იქნება“ „გაღმა ნაპირი“და „2012“. ასავე საახალწლოდ კინოთეატრებში ნაჩვენები იქნება „რაც ყველაზე ძალიან გიყვარს“ მეორე ნაწილი, რომლის გადაღებებიც ჯერ არ დასრულებულა. რეჟსორების თქმით მეორე ნაწილი უფრო სახალისო და საინტერესო იქნება. კინოთეატრებში ჯეოსელის ერთ–ერთი აქციის „ზუმის“ წევრებისთვის შეღავათები საახალწლოდაც გრძელდება, რომელიც არა მარტო სტუდენტებზე, არამედ ჯეოსელის ნებისმიერ აბონენტზე ვრცელდება. თუ ხარ ზუმის წევრი 1=2–ს, ანუ ყოველ სამშაბათს ზუმის წევრებისთვის ერთი ბილეთის ფასად ორი ბილეთის შეძენაა შესაძლებელი.

საახალწლოდ ნაჩვენები იქნება სპექტაკლები თბილისის სხვადასხვა თეატრებში. თუ გადაწყვეტთ, რომ ახალი წლის საღამო, რომელიმე თეატრში გაატართ, გაგაცნობთ რამდენიმე თეატრის აფიშას: კოტე მარჯანიშვილის სახელობის სახელმწიფო აკადემიური თეატრი საახალწლოდ გთვაზობთ „სიყვარულის ანატომია“–ს დასაწყისი 20:00 სთ–ზე. შოთა რუსთაველის სახელობის სახელმწიფო აკადემიურ დრამატულ თეატრში ნაჩვენები იქნება „სტუმარი“, დასაწყისი 19:45 სთ–ზე. თავისუფალ თეატრში საახალწლოდ შეგეძლებათ უყუროთ „ჯინსების თაობას“ 19:00სთ–ზე, გრიბოედოვის სახელობის სახელმწიფო დრამატული თეატრი გათავაზობთ სპექტაკლს სახელწოდებით „მწირი“ დასაწყისი 18:00სთ–ზე. ვ. აბაშიძის სახელმწიფო თეატრი გთავაზობთ კომედიას „გაყრა“.ხოლო რაც შეეხება მიხეილ თუმანიშვილის სახელობის კინომსახიობთა თეატრს, მასში საახალწლოდ გადის კონოპრემიარა „კამინო რეალი“ დასაწყისი 19:00სთ–ზე.

კონკრეტულად სტუდენტებისთვის ამ ეტაპზე არც მერიის და კულტურის სამინისტროს პროგრამაში და არც კინოთეატრებში რაიმე მნიშვნელოვანი შეღავათები არ იგეგმება, გარდა ზუმის აქციისა და საახალწლო ფასდაკლებებისა ტანსაცმლის, საყოფასცხოვრებო ტექნიკისა და აქსესუარების მაღაზიათა სხვადასხვა ქსელში, რაც არამარტო სტუდენტებზე, არამედ ყველა მომხმარებელზე ვრცელდება. ასე რომ, არჩევანი თქვენზეა, სად და როგორ შეხვდებით თეთრი ვეფხვის წელიწადს, ჩვენ კი გილოცავთ დამდეგ შობა–ახალ წელს.

საზოგაროებრივი მაუწყებელი

საზოგადოებრივი მაუწყებელი საქართველოს ტელესივრცეში ერთ-ერთი წამყვანი არხია, რომელსაც თავისი ინტერნეტ გვერდიც აქვს. იმისთვის, რომ გამეგო, თუ რა სიახლეებს სთავაზობს მაყურებელს საზოგადოებრივი მაუწყებელი განვიხილე მისი ინტერნეტ-საიტი www.1tv.ge სადაც აღმოვაჩინე, რომ მის მთავარ გვერძე დიდი ადგილი აქვს დათმობილი საბავშვო ევროვიზიისა და ჩემპიონთა ლიგის ბანერებს და მათ ქვეშ გაკეთებულ წარწერებს. საბავშვო ევროვოზიის ბანერის ქვეშ წერია რომ 2009 წელს ისინი კიდევ ერთხელ გააკვირვებენ ევროპას, ხოლო ჩემპიონთა ლიგის ბანერის ქვეშ კი წერია, რომ პირველი არხი დაუვიწყარ საჩუქარს სთავაზობს ფეხბურთის გულშემატკივრებს. საბავშვო ევროვიზიაზე ინფორმაციები შენახულია როგორც არქივში, ასევე დღიურებში რაც საზოგადოებრივ მაუწყებელს სხვა არხებისგან განასხვავებს. მარჯვენა მხარეს ჩამოთვლილია ტელეპროგრამის გადაცემები მათ ქვეშ კი განთავსებულია რეკლამა. ახალ ამბებს დათმობილი აქვს მცირე ინფორმაცია. პირდაპირ ეთერში გაცილებით მეტ ახალ ამბავს სთავაზობს ეს არხი მაყურებელს. ახალი ამბების ქვეშ კი განთავსებულია გადაცემათა ჩამონათვალი

საქორწინო ტრადიციები

ქორწინება შეიძლება განვიხილოთ ორი მხრიდან: როგორც კანონი ბუნებისა, დაწესებული შემოქმედის, ჩვენი ზეციური მამის, ღმერთის მიერ და როგორც საიდუმლო ახალი აღთქმის ეკლესიისა. ქორწინება თავისთავად კურთხეულია და სუფთა თავისი ღვთიური წარმოშობით, მაგრამ ვინაიდან ადამიანი მოექცა ცოდვის გავლენის ქვეშ და აჰყვა გამრყვნელ გრძნობებს, უფალმა იესო ქრისტემ დააწესა საიდუმლო ქორწინებისა.

ქორწინება წარმოადგენს ახალი აღთქმის შვიდი საიდუმლოთაგან ერთ-ერთს.

ქართული ტრადიციები სპარსული ელფერით

ოთხი საუკუნის განმავლობაში ქართული და სპარსული ტრადიციების ინტეგრაციის შედეგად, მივიღეთ ფერეიდნული ტრადიციები, რომელიც აერთიანებს ორივე ქვეყნის კულტურას. ასეთი მაგალითები საკმაოდაა, თუმცა მათ შორის ყველაზე თვალსაჩინოა ქორწინების ტრადიცია.
საუკუნების მანძილზე უცხო ეთნიკურ გარემოცვაში მყოფი ფერეიდნელი ქართველებისათვის საქორწინო ინსტიტუტი მათი ეროვნული თვითშეგნებისა და ეროვნული კულტურის შენარჩუნების პირობად იქცა. ირანელ ქართველებში უმთავრესად სისხლისმიერი ნათესაობა მოქმედებდა. ამაში ისინი “ქართველობის” შენარჩუნებას ხედავდნენ. ქართველები სხვა ეროვნების ხალხზე არ ქორწინდებოდნენ, სისხლი რომ არ აღრეულიყო.
ქალები უმეტესად 16 – 18 წლის ასაკში თხოვდებოდნენ, ვაჟი კი 20 – 25 წლისა უნდა ყოფილიყო. მცირეწლოვანთა დაწინდვა ხდებოდა, მაგრამ დაწინდვიდან ქორწინებამდე დიდი დრო გადიოდა.
ფერეიდნელებს შორის მრავალცოლიანობამაც ვერ მოიკიდა ფეხი და წესად ვერ იქცა, თუმცა არსებობდა გამონაკლისი შემთხვევებიც.
ტრადიციის მიხედვით, საქორწინო წყვილთა შერჩევის შემდეგ, ვაჟის ოჯახი ზრუნავდა ქალისათვის ბალგის წაღებაზე. ეს პირველი საჩუქარი და “დაწინდვის” საფეხურია.
ადრე ფერეიდანში აკვანში დაწინდვის წესი მოქმედებდა. ეს ჩვეულება საქართველოშიც ტრადიციული იყო.
ქალის დაწინდვიდან გარკვეული პერიოდის შემდეგ მექორწინე ოჯახებს შორის საქორწინო ხარჯზე მოლაპარაკება ხდებოდა. ამას “შირბაჰა” ეწოდება.
ქორწილის ხარჯის გადაწყვეტის დროს, ქალის ქონებრივი კუთვნილების – “მეჰრიეს” დადგენა ხდებოდა. ეს ქმრის მიერ ცოლისათვის განსაზღვრული ქონებრივი გარანტიაა, რომელიც გაყრის შემთხვევაში გარკვეულ ეკონომიკურ ვალდებულებასაც ითვალისწინებს. ფერეიდნელ ქართველთა გადმოცემით “მეჰრიეში” ძველად აძლევდნენ მამულს, საქონელს, ოქროს სამკაულს, ფულს და ა.შ. სადღეისოდ კი მხოლოდ ყურანსა და ფულს, რომლის სიდიდეც ოჯახის ეკონომიკურ შესაძლებლობაზეა დამოკიდებული.
ეს ჩვეულება შინაარსით ემსგავსება ქართულ “პირის სანახავს”, ესეც პატარძლის საჩუქარია და მის საკუთრებას წარმოადგენს.
ფერეიდნელი ქართველები ქორწილს ტრადიციულად შემოდგომაზე ან ზამთარში იხდიან, თუმცა სამზადისი ზაფხულიდან იწყება. საქორწილო წეს-ჩვეულებათა კომპლექსში გამოიკვეთება საქორწილო ლხინისათვის მზადების დღე, რომელიც სხვადასვა რიტუალისაგან შედგება. ამათგან პირველ რიგში აღსანიშნავია რიტუალური პურის ცხობა. ამ ჩვეულებას მრავალი ანალოგია და პარალელი მოეძებნება საქართველოს სხვადასხვა კუთხეში. პურის ზედაპირზე ჯვრის გამოსახვა კი მათში ძველი ქართული წეს-ჩვეულებების ელემენტების შენარჩუნების მაჩვენებელია.
ქორწილის დღეს ფერეიდანში ნეფე და პატარძალი აბანოში მიჰყავთ და მთელი რიტუალი სრულდება. მსგავსი წეს-ჩვეულება საქართველოს მთაშიცაა შემორჩენილი. წყალი ორივე შემთხვევაში – საქართველოშიც და ფერეიდანშიც – საკულტო, მაგიურ-რელიგიურ მნიშვნელობას ატარებს.
ფერეიდნელ ქართველთა საქორწილო ტრადიციის თანახმად სტუმრებს უმასპინძლდებოდნენ, შემდეგ კი “ნიჭის” და “შესაწევარის” აკრეფა იწყებოდა.
ფერეიდანში ამ ჩვეულებას “ნიჭის მოგლეჯას” ეძახიან. საქორწილო ძღვენის ტრადიცია საქართველოს ბევრ კუთხეში დღემდე შემორჩენილია.
ასევე ჰგავს ერთმანეთს ფერეიდნელ ქართველთა მაყრიონში შემავალი “ლალას” კაცის და ჩვენებური “მახარობლის” ფუნქციები. საქორწილო რიტუალებიდან აღსანიშნავია “შაბაში”. ეს რიტუალი საქართველოსთვისაც დამახასიათებელია, მაგრამ ჩვენთან ის მხოლოდ მესხეთ-ჯავახეთშია შემორჩენილი, სხვა კუთხეებში მას უკვე დაკარგული აქვს მაგიურ-რელიგიური მნიშვნელობა და დამკვრელების ანაზღაურებად ითვლება. ფერეიდანში კი “შაბაში” ისევ საპატარძლოს საჩუქარია და შერჩენილი აქვს დადებითი ტრადიციის კვალი.
აღსანიშნავია ისიც, რომ ქორწილის სადილზე შეკრებილი ახალგაზრდების მიერ შესრულებული ცეკვა “ჯოხური” ძალიან ჰგავს ქართულ “ხორუმს”. დღევანდლამდე შემორჩენილია ქორწინებასთან დაკავშირებული ტერმინები: “სიდედრი”, “ხელისმომკიდე”, “დედამთილი”, “ახანძალი”, იგივე “ახალი რძალი”, “პატარძალი” და სხვ.
ფერეიდნელ ქართველთა ქორწინების წეს-ჩვეულებებმა ხელი შეუწყო ირანში გადასახლებული ქართველების ყოფაში ძველ-ქართული ტრადიციების შენარჩუნებას. რამდენიმე მათგანი საქართველოში უკვე აღარც კი ახსოვთ.

ჩემი ოცნების ქალაქი

ესპანეთი ჩემი საყვარელი ქვეყანაა, მადრიდი კი შესაბამისად–ოცნების ქალაქი. მადრიდი  ესპანეთის დედაქალაქი და  იმავე სახელის მქონე ავტონომიური ერთეულის ადმინისტრაციული ცენტრია. აგრეთვე იგი არის ქვეყნის უმსხვილესი ეკონომიკური, კულტურული და პოლიტიკური ცენტრიც.

ქალაქის მოსახლეობა შეადგენს 3,248 000 მლნ მცხოვრებს. ქალაქი პირენეის ნახევარკუნძულის ცენტრალურ ნაწილში 1,2 ათას ჰექტარზე გადაჭიმულ აგლომერაციას წარმოადგენს. ქალაქის ფართობი  607 კვადრატული მეტრია, რომელიც 21 ადმინისტრაციულ რაიონს მოიცავს. ქალაქი მსხვილი სატრანსპორტო კვანძია, როგორც სარკინიგზო, ისე ჩქაროსნული გზატკეცილების თვალსაზრისით, აქვეა მსოფლიოში უდიდესი აეროპორტი.

 

მოსახლეობა, ენა, სარწმუნოება

 

დედაქალაქი ესპანეთში მოსახლეობით პირველ ადგილზე დგას და იმიგრანტების ხარჯზე დღითი-დღე იზრდება. სახელმწიფო ენა ესპანურია, ამას გარდა, ქალაქის მოსახლეობა კატალონიურს, ბასკურსა და გალიციურსაც იყენებს. მოსახლეობის დიდი ნაწილი კათოლიკეა.

 

ეკონომიკა

 

ინდუსტრიული ცენტრების ქალაქგარეთ გატანის მიუხედავად, მადრიდი ბარსელონას შემდეგ მაინც მეორე ადგილზეა ესპანეთში ეკონომიკური მნიშვნელობით. ბოლო ხანებში მკვეთრად გაიზარდა აეროპორტ ბარახასის როლი ქალაქის ეკონომიკის განვითარებაში. დიდი სისწრაფით იზრდება რკინიგზის გაფართოებისთვის მიმდინარე სამუშაოები. მადრიდი ტურისტულ ბიზნესს წარმატებით ავითარებს და ქვეყანაში ყველაზე მეტჯერ მონახულებად ტურისტულ ქალაქად მიიჩნევა.

ტრანსპორტი

 

ქალაქში საავტობუსო მარშრუტების ქსელი და მეტროპოლიტენი მოქმედებს, რაც ბოლო წლებში აქტიურად ვითარდება და ქალაქის ცენტრს სამხრეთით მდებარე სამრეწველო რაიონებთან აერთებს. ამჟამად, მადრიდის მეტროს დამატებად შეიძლება ჩაითვალოს თანამედროვე ტრამვაის ხაზი, რომელიც 35 წლის შემდეგ ხელახლა გაიხსნა უკვე ”მსუბუქ მეტროდ” წოდებული, რომელიც ტრამვაის დაბალვოლტიან Citafdis 302 ვაგონებს იყენებს.

მოქმედებს ელექტრომატარებელთა ქსელი, არის ორი სადგური-ატოჩა და ჩამატრინი. მადრიდის მეტროპოლიტენი ევროპაში მესამე ადგილზეა ხაზების სიგრძით ლონდონისა (415 კმ) და მოსკოვის (288 კმ) მეტროების შემდეგ. ქალაქის ჩრდილო-აღმოსავლეთით ბარახასის საერთაშორისო აეროპორტია 4 ტერმინალით. საჰაერო კარიბჭე ყოველწლიურად 40 მლნ მგზავრს ემსახურება და მსოფლიოს 20 ყველაზე მსხვილ აეროპორტთა შორის სახელდება.

 

ღირსშესანიშნაობები

 

ძირითადი ღირსშესანიშნაობები მდებარეობს ქალაქის ძველ ნაწილში: პლასა მაიორი – ქალაქის ძველი უბნის მთავარი მოედანი, გოთიკური საკატედრო ტაძარი – პლასა მაიორზე, საეპისკოპოსო სასახლე (XVI—XVIII სს.), აბსტრაქტული ხელოვნების მუზეუმი, კუენკას ისტორიის მუზეუმი, სან-პედროს მონასტერი, სან-პანტალეონის ეკლესია და ა.შ.

სტუდენტთა საერთაშორისო დღე

17 ნოემბერს მსოფლიოში სტუდენტთა საერთაშორისო დღე აღინიშნება. ეს დღე 1946 წლის 17 ნოემბერს პრაღაში, სტუდენტთა საერთაშორისო კონგრესზე ჩეხ პატრიოტ სტუდენტთა ხსოვნის ნიშნად დაწესდა.

1939 წლის 28 ოქტომბერს ფაშისტების მიერ ოკუპირებულ პრაღაში სტუდენტებმა და მათმა პედაგოგებმა ჩეხოსლოვაკიის სახელმწიფოს ჩამოყალიბების წლისთავისადმი მიძღვნილი დემონსტრაცია გამართეს. ფაშისტებმა დემონსტრაცია დაარბიეს და სამედიცინო ფაკულტეტის სტუდენტი იან ოპლეტალი დახვრიტეს, რომლის დაკრძალვაც საპროტესტო მსვლელობაში გადაიზარდა. ოკუპანტებმა დააპატიმრეს ათობით სტუდენტი.

17 ნოემბერს, დილით ადრე, ფაშისტებმა სტუდენტთა საერთო საცხოვრებელს ალყა შემოარტყეს, 1 200-ზე მეტი სტუდენტი აიყვანეს და საკონცენტრაციო ბანაკში დაამწყვდიეს. ცხრა აქტივისტი კი დახვრიტეს.

 ორი წლის შემდეგ, 1941 წლის 17 ნოემბერს, ლონდონში ფაშიზმის წინააღმდეგ მებრძოლ სტუდენტთა საერთაშორისო შეხვედრა გაიმართა, რომელზედაც გადაწყდა, რომ პრაღაში დაღუპულ სტუდენტთა პატივსაცემად, 17 ნოემბერი სტუდენტთა საერთაშორისო დღედ გამოცხადებულიყო

რუსეთ-საქართველოს ომი

გასული წლის აგვისტოში საქართველოს ტერიტორიაზე რუსეთ-საქართველოს ომი მიმდინარეობდა, რომელსაც აშუქებდნენ, როგორც ქართული, ასავე რუსული საინფორმაციო არხები. უამრავი ინფორმაცია იდებოდა მათ საიტებზე. იმისთვის, რომ გავარკვიოთ, თუ როგორი ინტენსივობით აქვეყნებდნენ რუსული საიტები ომის მოვლენებს 7-15 აგვისტოს ჩათვლით, საჭიროა რუსულ საინფორმაციო საიტებს გავეცნოთ. მე რამდენიმე საიტი შევარჩიე. ესენია: http://www.gazeta.ru/ http://www.pravda.ru/ http://www.russia.ru/ http://www.lenta.ru/ და http://www.news.ru/

www.gazeta.ru არის ერთ-ერთი საიტი, რომელიც ინტენსიურად აქვეყნებდა ომის დროს მიმდინარე მოვლენებს. მთელი კვირის განმავლობაში სულ 46 ინფორმაცია აქვს გამოქვეყნებული რუსეთ-საქართველოს ომზე და მიმდინარე მოვლენებზე. 7 აგვისტოს ორი სტატა დევს, 8-ში და 9-ში შვიდ-შვიდი, 10-ში სამი, 11-ში რვა, 12-ში შვიდი, 13-ში ექვსი, 14-ში ორი, ხოლო 15-ში ოთხი.

www.pravda.ru ასავე ინტენსიურად აქვეყნებდა სტატიებს ომის შესახებ. მართალია შედარებით მცირე ინფორმაცია დევს ამ საიტზე, ვიდრე ზემოთ აღნიშნული საიტზე, თუმცა ამ საიტსაც აქვს გამოქვეყნებული მთელი კვირის საინფორმაციო მასალა რუსეთ-საქართველოს ომზე. სულ 35 სტატიაა. 7 აგვისტოს დევს ხუთი სტატია, 8-ში შვიდი, 9-ში სამი, 10-ში ორი, 11-ში და 12-ში ოთხ-ოთხი, 13-ში სამი, 14-ში და 15-ში კი თითო-თითო.

www.russia.ru ამ საიტმა კი გადააჭარბა წინა ორ საიტს ომის თემაზე გამოქვეყნებული სტატიებით და მან 7-15 აგვისტოს ჩათვლით გამოაქვეყნა 50-ზე მეტი ინფორმაცია. ყველაზე მეტი სტატია ომის პირველ დღეებში აღინისნება ამ საიტზე, ხოლო დანარჩენ დღეებში კი შედარებით ნაკლები

ხოლო რაც შეეხება დარჩენილ ორ საიტს www.lenta.ru -ს არქივში არ ჰქონდა შენახული ინფორმაცია აღნიშნულ მოვლენებზე, ხოლო www.news.ru- კი დროებით გათიშულია და მასზე არანაირი ინფორმაცია არ დევს.

1-5 ნოემბრის პოლიტიკური, ეკონომიკა და კულტურული სიახლეები

იმისთვის, რომ გავიგოთ, თუ რა სიახლეებია პოლიტიკაზე, ეკონომიკასა და კულტურაზე 1-5 ნოემბრის ჩათვლით, საჭიროა განვიხილოთ ეს ინფორმაციები რამდენიმე ქართულ საიტზე. ამისთვის ვარჩევთ სამ საიტს. ესენია: www.presa.ge, www.ambebi.ge და www.newsgeorgia.ge.


www.presa.ge

presa.ge-ზე არის 16 ინფორმაცია პოლიტიკაზე, ეკონომიკასა და კულტურაზე. აქედან პოლიტიკა მოიცავს 8 სტატიას, ეკონომიკა 5-ს, ხოლო რაც შეეხება კულტურას, რომელიც ცალკე არ არის განხილული და მოცემულია სპორტისა და ხელოვნების სახით, ეთმობა 3 სტატია, საიდანაც 2 სპორტს ეკუთვნის, 1 კი ხელოვნებას.
პოლიტიკური ინფორმაციებიდან: 01.11.09 გამოქვეყნდა ერთი ინფორმაცია, 02.11.09 სამი ინფორმაცია, 03.11.09 ორი ინფორმაცია, 04.11.09 ერთი ინფორმაცია, 05.11.09 კი ოთხი ახალი ინფორმაცია.
ეკონომიკური ინფორმაციებიდან: 01.11.09, 03.11.09, 04.11.09 და 05.11.09 გამოქვეყნდა თითო-თითო ინფორმაცია, ხოლო 03.11.09 არ იყო ახალი ინფორმაცია.
კულტურული ინფორმაციებიდან: 02.11.09 და 03.11.09 სპორტზე გამოქვეყნდა თითო-თითო ინფორმაცია, ხოლო ხელოვნებიდან ერთი, რომელიც გამოქვეყნდა 02.11.09.


www.ambebi.ge

ambebi.ge-ზე 5 დღის განმავლობაში ატვირთულია სულ 55 სტატია სამივე სფეროზე. ინფორმაციების რაოდენობით ის თითმის სამჯერ აღემატება ზემოთ აღნიშნულ საიტზე განთავსებულ ინფორმაციებს. 55 სტატიიდან პოლიტიკას ეძღვნება 23 სტატია, ეკონომიკას 11, კულტურას კი 21.
პოლიტიკური ინფორმაციებიდან: 01.11.09 არ არის ინფორმაცია,02.11.09 და 03.11.09 გამოქვეყნდა შვიდ-შვვიდი ინფორმაცია, 04.11.09 გამოქვეყნდა ექვსი ინფორმაცია, ხოლო 05.11.09 სამი ინფორმაცია.
ეკონომიკური ინფორმაციებიდან: 01.11.09 არის ერთი ინფორმაცია, 02.11.09 არის ექვსი ინფორმაცია, 03.11.09 არის ერთი ინფორმაცია, ხოლო 04.11.09 სამი ინფორმაცია.
კულტურული ინფორმაციებიდან: 01.11.09 გამოქვეყნდა ორი ინფორმაცია 02.11.09 ექვსი ინფორმაცია, 03.11.09 ოთხი ინფორმაცია 04.11.09 რვა ინფორმაცია, 05.11.09 კი გამოქვეყნდა ერთი ინფორმაცია.


www.newsgeorgia.ge

რაც შეეხება ამ საიტს, იგი 13 მარტის შემდეგ არ განახლებულა და მასზე ახალი ინფორმაცია ზემოთ აღნიშნულ თემებზე არ დევს სამწუხაროდ.